Hoxe comeza a Sección Oficial de OFestivalON Five e finaliza A Toda Mecha

Ribadeo deixará de ser hoxe o gran plató de cine para dar rematadas as gravacións da sección de A Toda Mecha. Os grupos participantes, que congregaron na localidade ribadense a decenas de mozos gravando curtas ó longo destes días no marco de OFestivalON, terán que amañarse para posproducir a súa curta nun tempo récord para poder proxectala na Gala do sábado.

Por outra banda hoxe ás 11.00 horas deuse o pistoletazo de saída para o estreo das proxeccións da Sección Oficial no Cine Teatro de Ribadeo. Son 42 curtas as que compiten para acadar o seu correspondente Misto de Pau. Todas elas proxectaranse ó longo dos tres días do festival, xoves 30, venres 31 e sábado 1, organizadas en 6 sesións. En cada proxección, o público asistente votará a curta que máis lle guste. Aquela que acade máis votos será a que se leve o Misto de Pau de Loureiro e os 1200 euros do premio do público.

Aquí tendes a foto dunha das curtas gravadas estes días na vila de Ribadeo.