"OFestivalON on the road"

Despois desta quinta edición, chega "OFestivalON on the road" para facer a súa andadura. A súa primeira parada será en Vilagarcía de Arousa, coincidindo coas festas patronais de San Roque. As proxecccións darán comezo este domingo 9 e prolongarase ata o xoves 14, en horario de 22.30 h.
Proxectaranse un total de 40 cortos programados en 5 sesións, os cales xa estiveron seleccionados en OFestivalON de Ribadeo. Inclúense nestas obras, os gañadores do devandito festival nas 3 categorías:

Ficción: On the line, de Jon Garaño
Documentario: A fábrica, de Marcos Nine
Animación: El misterio del pez, de Giovanni Maccelli
Premio do público para o documentario: Ferro Ardendo, Miguel García Fernández

Rematou OFestivalON Five 2009 en Ribadeo

María Acuña Rodríguez, Antonio Mourelos e Santiago Jaureguízar, membros do xurado da Sección Oficial da V edición de OFestivalON, escolleron coma curtas gañadoras as seguintes:

- O gañador de Misto de Pau de Sabugueiro á Mellor Curta de Ficción foi Jon Garaño, co seu traballo On the line.
- O gañador do Misto de Pau de Castiñeiro á Mellor Curta de Animación foi Giovanni Maccelli, grazas ao seu filme El misterio del pez.
- O gañador do Misto de Pau de Carballo á Mellor Curta Documentaria foi Marcos Nine, por A fábrica.

Todos foron premiados con 1200 euros, incluido o gañador do Premio do Público, que foi para Ferro ardendo, de Miguel García Fernández.

A Gala deu peche no Auditorio Municipal Hernán Naval, coa actuación da banda de jazz Lucía Martínez Cuarteto.